આપણે જ રાવણ બનાવીએને,
પછી આપણે જ એને બાળીએ,
એના કરતાં ના બનાવીએ તો કેવું સારું!
એ તો રાવણ હતોને દેખાતો પણ,
હતો એવો જ જાહેરમાં હંમેશાં,
આપણી દ્વિમુખી છાપ તજીએ તો કેવું સારું!
સાત દરજ્જે સારો આપણાથી,
છડેચોક પાપાચાર કરનારો હતો,
છૂપાવીને ગુના કરવાનું છોડીએ તો કેવું સારું!
કામક્રોધાદિક ષડરિપુ વસે છે ઉરે,
રાવણ જીવે છે આપણાં જીવનમાં,
એને હવે અલવિદા કહી દઈએ તો કેવું સારું !
- ચૈતન્ય જોષી. " દીપક " પોરબંદર.
