"બાળપણ નું ભોળપણ"
કાલી ઘેલી વાતોમાં વીત્યું બાળપણ મજાનું,
ભોળપણના સસ્મરણોનુ નાનપણ બહુ મજાનું..!
રખડપટ્ટી ને ધીંગા મસ્તી માં વીત્યું બાળપણ મજાનું,
એક બીજાને ખો ખો દેવામાં દાવ આપતું બહુ મજાનું..!
ચકરડી ને ભમ્મરડાની ચકરાવે વીત્યું બાળપણ મજાનું,
લખોટી ને પાચીકામા ગોળ ગોળ ફરિયું બહુ મજાનું..!
ધુળના ઢેફામાં કુદતું ઠેકતું પછડાતું બાળપણ મજાનું,
મંદિરમાં ઝાલર ટાણે વાદ્ય માટે લડતું બહુ મજાનુઁ..!
દાદા દાદી ના સાથે એનો ટેકો બનતું બાળપણ મજાનું,
રોતું આખડતું પાછું ખંખેરી ઉભું થતું બહુ મજાનું..!
એકમેંકની ભાઈબંધીમાં લડતું ઝઘડતું બાળપણ મજાનું,
નાની નાની વાતોમાં રિહાઈ જતું, દસિયામાં માની જતું બહુ મજાનું..!
મદારીના ખેલ જોવા છાનું માનું ઘરેથી ઘવું લેતું બાળપણ બહુ મજાનું,
એના સાપ ને દુધ પીવડાવા ઘરનું બોઘેણું ખાલી કરતું "સ્વયમભુ" બાળપણ બહુ મજાનું..!
- અશ્વિન રાઠોડ - સ્વયમભુ
