ઊકળવાનું લોહીના નસીબે કેમ આવ્યું હશે?
ને વહેવાનું લોહીના નસીબે કેમ આવ્યું હશે ?
તમામ દૈહિકક્રિયાઓ સહકાર થકી જ થતી,
ને બળવાનું લોહીના નસીબે કેમ આવ્યું હશે?
સરખો જ છે રંગ બધે જ રૂધિરનો તો પણ,
કકળવાનું લોહીના નસીબે કેમ આવ્યું હશે ?
જુદા જુદા સમૂહોમાં એ વહેંચાઈ જતું વળી,
બદલવાનું લોહીના નસીબે કેમ આવ્યું હશે?
બંધાય છે સંબંધ મનથી નહિ રક્તના સંબંધે,
ટકાવવાનું લોહીના નસીબે કેમ આવ્યું હશે ?
- ચૈતન્ય જોષી. ' દીપક ' પોરબંદર.
