માની લીધેલા કહેવાતા શુભ ચિંતકો જશે,
પોતા ની અનુકુળતા પ્રમાણે અહીં હશે,
બસ માનવી છીએ કોઇ દેવ તો નથી,
જે એકલા રહ્યા એ છેવટ એકલા થશે !
અહી રામ અને ક્રુષ્ણ જેવા એકલા ગયા,
સિકંદરો કલંદરો જોગંદરો ગયા,
જતિ,સતિ,લક્ષ્મીપતિ જોગી વિજોગી ગ્યા,
મુછો મરડતા,પ્રુથ્વિપતિ ખોંખારતા ગયા !
જે ગયા એના સરનામાં કે દેશ ના રહ્યા,
ના રહ્યા કોઇ વાયકો સંદેશ ના રહ્યા,
એ માથા ના અંબોડલા ના કેશ ના રહ્યા,
એ પાઘડી એ ટોપીઓ એ ખેસ ના રહ્યા !
છતાંય માનવી કાં અભિમાન લઇ ફરે ?
કાં અલ્લા કે ઇશ્વર કે ના ભગવાન થી ડરે ?
કાં ત્રિગુણી માયા ના ચક્કર માં ફર્યા કરે ?
ધરાર કવિ ચેતન આવુ વિચાર્યા કરે !
ચેતન પ્રજાપતિ
