जागल्या का रे
जागल्या का रे,
जागल्या का रे
अंधश्रद्धेच्या बिळात
शिरलेल्या उंदरांनो
बळ आलंय का तुमच्यात
सामाजिक एकतेचं
एकतेनं गिधाडांचाही
नाश होतो असं म्हणतात
त्याचे सर्व पर कुरतडून
कळलं का तुम्हाला
की पुन्हा शिरायचंय
त्याच बिळात
ज्या बिळात फक्त
अंधश्रद्धाच पसरते
अन् पसरते अहंकार
मी पणाचा
धर्मांधतेचा अन्
कर्मकांडाचा, द्वेषाचा
अन् भाकडकथांचा
अंकुश शिंगाडे नागपूर ९३७३३५९४५०
