" સ્મરણ આપી દે "
મધદરિયે આવવાનું કોઈ સ્મરણ આપી દે,
હું માંગુંને હકીકત બને ઉપકરણ આપી દે.
આકાશે જાણે કાળી ચાદર ઓઢી રાખી છે,
આસપાસ આવવાનું કોઈ પ્રમાણ આપી દે.
વૈશાખ આવીને આંગણે ઉભો રહી ગયો રે,
નવી સવાર લઈ આવવાનું એંધાણ આપી દે.
જિંદગીમા મથામણ કરતાં માર્ગ ભૂલી ગયાં,
હે ઈશ્વર ફરી એ મલકતું બાળપણ આપી દે.
મોટા થવાની રાહમાં બાળપણ અમથું વિત્યું,
હારીને થાક્યાં જીવનમાં નવું વિચરણ આપી દે.
બિના જોષી " આકર્ષા "
-bina joshi
