ઊંચા નીચા ઢોળાવો, ક્યાંક તડકા ક્યાંક છાંય છે;
ચડ ઉતરના રિવાજોમાં યે રસ્તા જો ને હેમખેમ છે.
ક્યાંક ભરખાયા તો ક્યાંક કોઈથી ભરમાયા છે;
ક્યાંક ધૂળ ભેગા થયા તો યે રસ્તા જો ને હેમખેમ છે.
કેડીમાંથી મોટા થયા પછી રાહબરોની રાહ છે;
ભલે પચડાયા, અથડાયા તો યે રસ્તા જો ને હેમખેમ છે.
ક્યાંક તરણા બની તરતા તો ક્યાંક અડગ થઈ ઊભા છે;
જળ વિહોણો પ્રવાહ છે તો યે રસ્તા જો ને હેમખેમ છે.
ક્યાંક ભોમિયાને ભેટ્યા તો ક્યાંક પૃથ્વી પર પાંગર્યા છે;
ક્યાંક તાપ અઘોર જીલ્યા પછી પણ રસ્તા જો ને હેમખેમ છે.
