જવાબદારી ના બોજ નીચે.....
જવાબદારીના બોજ નીચે દબાયો છે.
પુરૂષ ક્યાં કદી વખણાયો છે !
બાળપણથી જ એના પાઠ ભણી એ ટેવાયો છે.
પુરૂષ ક્યાં કદી વખણાયો છે !
લાગણીઓને સંતાડી એ ખુદમાં જ દટાયો છે.
પુરૂષ ક્યાં કદી વખણાયો છે !
ઈચ્છાઓનું પોટલું વાળી રોજ દોડતો એ જણાયો છે
પુરૂષ ક્યાં કદી વખણાયો છે!
પરિવાર હોય કે સગાં સંબંધીઓ સહુમાં એ ગુંચવાયો છે
પુરૂષ ક્યાં કદી વખણાયો છે !
સપનાઓ સળગાવી ખુદના હરખે સૌની માટે એ કરમાયો છે
પુરૂષ ક્યાં કદી વખણાયો છે!
આંખમાં પાણી ના આવે એ માટે હ્દયે એ રડતો જણાયો છે.
પુરૂષ ક્યાં કદી વખણાયો છે !
મૌન રહી રહીને એ સહેતો બોજ તળે દબાયો છે.
પુરૂષ ક્યાં કદી વખણાયો છે!
લાગણીહીન ના મહેણાં સાંભળતો એ ખુદમાં જ અટવાયો છે.
પુરૂષ ક્યાં કદી વખણાયો છે!
ક્યાં સુધી ચાલશે આમ, પુરૂષ એક દટાયો છે.
