કોઈ ગમતીલું
લાંબા વિયોગ બાદ
અચાનક મળી જાય,
ને હૈયે હરખ ની હેલી પડે
એ ક્ષણ દિવાળી
પ્રિયજન આમ અમસ્તુજ સાવ
નજીક આવી ને
ગાલ પર ટપલી મારે અને,
શરમ થી પાંપણ ઢળી પડે
એ ક્ષણ દિવાળી
કોઈક મજાનો સાથી
ક્યારેય પાછું વળી ને નહિ જુએ
એવી ખાતરી હોય અને,
ઓચિંતો જ આંગણે આવી ચઢે
એ ક્ષણ દિવાળી
જીવન ની સમી સાંજે,
વાળ ની લટ્ટ માં સફેદી હોય
અને ચહેરે આછી કરચલી હોય
તોયે પ્રિયતમ કહે
તું હજીયે જુવાન લાગે છે
એ ક્ષણ દિવાળી.
મિત્રો દિવાળીના શરૂ થતાં પર્વોની શુભકામનાઓ ..
