ચાલો ફરી બાળપણને મલીએ
જુની જીંદગી નવેસરથી જીવીએ
સમજણને ભુલી અણસમજુ થઈએ
ફરી જીવનની પાટીમાં એકડા ધુંટીએ
ચતુરાઈ છોડી પાછા ભોળા થઈએ
છોડી ખુરશી માઁ ના ખોળા ખુંદીએ
પદ,પ્રતિષ્ઠા છોડી બાલિશ બનીએ
શેઠ,સાહેબ માંથી ફરી મુન્ના બનીએ
મોટરગાડી મુકી હાલો ઉધાડપગે ચાલીએ
મામાના ખભે ચડી શાહી સવારી કરીએ
બહુ કરી દોડધામ હવે થોડા જંપીએ
શેરીમાં હાલો ભમરડે અને કંચેથી રમીએ
મોબાઈલ છોડી દાદીની વાર્તા સાંભડીએ
પપ્પાની આંગળી પકડી ચાલો મેળે ફરીએ
દેખાદેખી,આડંબર,અહમનો ભાર ઉતારીએ
હાલ મુન્ના ફરી બાળપણને મળીએ
