વર્ષા ગીત:
"આ રીતે વ્હાલ કંઈ કરાય ?"

ઊભરાયું હોય હેત
ટપલીક બે મારીએ
પણ સીધો કાંઈ ધુંબો મરાય?

ઓચિંતા આવીને
ધાબા લગ ઊછળીને
કરવાનુ આવુ તોફાન ?

શેરિયુંમા તરતી
ઇ કાગળની હોડિયુંનું
થોડુંક તો રાખવુંતું ધ્યાન ?

ગામ આખું આવે
ભાઇ નદીયું માં નહાવા
પણ નદીયું થી ગામમાં ગરાય ?

આ રીતે વ્હાલ કંઇ કરાય?

એવુ તો કેવુ વરસાવ્યુ
પળભરમા તો આંખ્યુ પણ
ઓવરફલો થાય ?

ધસમસવું સારું,
પણ આટલું તો નહીં જ
જેમા છેવટ એક ડૂમો રહી જાય.

ખેતર, અબોલ જીવ
શ્વાસ ચૂકી જાય
એવો ભીનો કાંઈ ચીંટીયો ભરાય ?

આ રીતે વ્હાલ કંઈ કરાય ?

*કવિ: કૃષ્ણ દવે*
ફરી એકવાર ખાંગા થઈને તુટી પડેલાં
મેઘને ઉદ્દેશીને લખાયેલી કવિતા , જેમાં કવિ જાણે અચાનક મુસળધાર વરસતા મેઘરાજા ને ઠપકો આપે છે કે આ રીતે તો વહાલ કંઈ કરાય?

પ્રસુતિ :ડો. ભૈરવસિંહ રાઓલ

Gujarati Poem by Dr. Bhairavsinh Raol : 111818276

The best sellers write on Matrubharti, do you?

Start Writing Now