આજે ઘણાં દિવસે એક કોલ આવી ગયો,
મને જાણીતો છતાં અજાણ્યો અવાજ આવી ગયો
સાંભળતી હતી રોજ રોજ જે અવાજ,
એ અવાજ જ મને સંભળાય ગયો
કેમ છો? પૂછાઈ ગયું તો જવાબ આવી ગયો,
ઘણા દિવસે તને હું યાદ આવી ગયો
બધાંનું ધ્યાન રાખવામાં,
તને હું જ ભુલાઈ ગયો
બધા અઘરા કામની વચ્ચે,
તારુ સૌથી સહેલું કામ જ રહી ગયું
બધા સાથે સમય પસાર કરતા કરતા,
મારા માટે જ સમય ના રહ્યો
ઘણા દિવસે મને મારો જ ફોન આવી ગયો,
બધાંને કેમછો પૂછવામાં,
મને જ તો પૂછવાનું રહી ગયું
બધા સાથે રહેતા રહેતા,
હું મને જ મળવાનું ભૂલી ગઈ
આટલી મોટી વાત કેમ ભૂલી ગઇ,
બધાં સાથે વાત કરવામાં,
મારી સાથે જ વાત રહી ગઈ,
મારી સાથે જ વાત રહી ગઈ.....
યોગી
