ફૂલો બની ભલેને અમે તો ખરી ગયા
ખુશ્બથી કિંતુ આપનો પાલવ ભરી ગયા

પ્રેમ - આગમાં બળીને પતંગા ઠરી ગયા,
કિંતુ શમાનું નામ તો રોશન કરી ગયા.

નૌકા હતી છતાંય હું ડૂબી ગયો ખુદા,
તરણું લઇને લોક તો સાગર તરી ગયા.

પથ્થર બની હું જોતો રહ્યો કાળની ગતિ,
વર્ષો જીવનનાં પાણી બનીને સરી ગયા.

જેઓની પાસે મારાં દુઃખોનો ઇલાજ છે,
તે આવી ઓર દુઃખમાં વધારો કરી ગયા.

Gujarati Good Night by Parmar Narvirsinh : 111808252

The best sellers write on Matrubharti, do you?

Start Writing Now