*છોડી દેવુ*
---------------
કોઈને એકાદ બે વાર
સમજાવવું,
કહીએ પણ ન સમજે તો,
ફરી ફરી સમજાવવાનું ...
*છોડી દેવુ.*
છોકરાઓ મોટા થઈ,
પોતાના નિર્ણય લેતા થાય,
તો એમની પાછળ પડવાનું...
*છોડી દેવુ*
આપણાં હાથમાં કાંઈ નથી,
એ અનુભવે સમજાય છે,
ભાવિ પ્રભુને સોંપી
ચિંતા કરી વિચારવુ...
*છોડી દેવુ*
ઈચ્છાઓ અને ક્ષમતા
વચ્ચે વધુ અંતર થવા લાગે,
તો અપેક્ષાઓનો બોજો
લઈ ફરવુ નહીં...
*છોડી દેવુ*
પ્રત્યેકના જીવનનું ચરિત્ર -
ક્ષમતા - સંવેદના
બઘુ જ અલગ જ હોય છે
તેથી તુલના કરવાનું...
*છોડી દેવુ*
જીવન અનુભવોનો
ખજાનો છે, આખી જીંદગી
જીવતાં,નાહક બોજ લેવાનું...
*છોડી દેવુ*
પાસે છે એ પુરતું જ છે,
વધુ મેળવવા ની લાયમાં
ચારેકોર ઝાવા મારવાનું
*છોડી દેવુ*
જાતે સુધારવાનુ શરૂ કરવું,
બીજા સુધરી જશે એવી
કોઇ અપેક્ષા રાખવાનું
*છોડી દેવુ*
હું જ બધું કરૂં છું અને
મારા વિના કાંઈ થાય એમ
નથી, એવા ભ્રમમાં રહેવાનું
*છોડી દેવુ*
મારે કોઈ ની જરૂર નથી
એવા ગુમાનમાં રહેવાનું
*છોડી દેવુ*
આજે તમારો 'દિ છે, કાલે
ન પણ હોય, માટે વાતે વાતે
બીજાનું અપમાન કરવાનું
*છોડી દેવુ*
