Koi yaad aata hai to usey batate kese hai
bina kuch kahe wo jazbaat baato me
dikhate kese hai.
Me kahu tumse "Tumhe miss kar raha tha"
to ajeeb lagega kya ?
Ya koi meme bhej du aur bol du isey dekh kar
tumhari yaad aayi to theek rahega kya.
Mujhe baato ko express karna nahi aata
lagta hai me kuch kahunga to wo zayda
cheesy na ho jaye.
Ab bhut dino se humari baat nahi hui
to tumhari yaad aane lagi thi
Par shuruaat karne se isliye bhi dar lagta hai
ki meri pyari si baato pe tumhara
Haa.. hmm jesa reply naa aaye.
Pehle hum ek dusro ko apni
kahaniyan sunaya karte the
Aaj kal bas ek dusre ki
insta stories dekh lete hai.
Mujhe to mann karta hai
tumse pehle ki tarah baat karu
Par ek sach ye bhi hai ki
communication gap aa gaya hai
aur mujhe nahi pata ye gap todte kese hai.
To tumhe sunayi de na meri baat agar
to haa tumhari yaad aati hai
yaad to aati hai..
