તારા એ હસમુખ ચેહરાને હસતો રાખીશ,
તારા હોઠો પાર સદાય મારુ નામ રાખીશ..
આંખો રહેશે ચમકતી મને રોજ જોઈને,
મારા ઘરનું સરનામું એટલું તારી નજીક રાખીશ..
એકલતાને તારી પિંજરામાં પૂરીને રાખીશ,
કોફી સાથે વાતોમાં મીઠાસ ભરપૂર આપીશ..
જીવન નહીં લાગે બોજ હવે જરાય તને,
બસ લાગણીઓ એટલી ભરપૂર આપીશ..
સપનાઓમાં તારા તને હેતથી ભરપૂર આપીશ,
નીંદર ઉડાવી તારી તને યાદો મારી જ આપીશ..
મલકાશે ચેહરા સાથે હૈયું રોજ તારું,
જ્યારે શરીરની સાથે આત્માને સુખ આપીશ..
મારી કવિતામાં તને પ્રેમની વાછટ આપીશ,
સુખ મળશે તનેય જ્યારે તું દિલથી મને અપનાવીશ..
ખૂટી પડશે શબ્દો પણ જતાવવા લાગણીઓ,
અનહદ હેતથી તને જીવનમાં એ સુખ આપીશ..
