ગઝલ નું નગર ૬
જિંદગીની રાહમાં શું કહું કે શું મળ્યું -
સો તરસ મળી ને દસ સુકાયેલા કૂવા મળ્યા !
*કાયમ હજારી*
એક પારેવું જુઓ, હાથેથી ચિઠ્ઠી છીનવી,
એમને આપીને ભોળું થાય તો હું શું કરું?
*હિમલ પંડ્યા*
દરિયો હતો છતાંય હું દોડી શક્યો નહીં,
કેવળ નદી હતી છતાં દોડી મળી છે તું.
*અશોક ચાવડા 'બેદિલ'*
આ મારી શાયરી સંજીવની છે "ઘાયલ"
શાયર છું હું પાળિયા ને બેઠા કરી શકું છું
*અમૃત ઘાયલ*
લઇ શોધ મારી જયારે જગત નીકળ્યું હશે ,
તારી ગલીમાં મારું પગેરું મળ્યું હશે .
*દિલેર બાબુ*
તમામ સ્વર્ગ ને તમામ નરક મારામાં ,
ફકીર મોજથી ફૂંકે છે ચલમ મારામાં !
*દિલીપ વ્યાસ*
તટ ની વેળુમાં પડ્યા ભાતીગળ સ ળ
વાયરો વહે ને થાય સઘળું સમથળ ,
*દુર્ગેશ શુક્લ*
વાતો હવે વફાની જગતમાં રહી ગઈ ,
દુશ્મનનું કામ જે હતું , મિત્ર કરી ગયાં .
*" લતીફ " સૂરતી*
તુ શૂન્ય કવિને શું જાણે એ રૂપનો કેવો પાગલ છે,
રાખે છે હૃદય પર કોરીને રંગીન નિશાની ફૂલોની.
*શૂન્ય પાલનપુરી સાહેબ*
પાગલપણું આ પ્રેમનું હદથી વધી ગયું,
તે શેરીમાં ફરું છું કે જ્યાં તારું ઘર નથી.
*મરીઝ*
