મારી કવિતા સતત લખે છે તને,
મારી કવિતામાં નામ નથી તારું,
પણ મારી કવિતાનો શબ્દે શબ્દ તારા પર છે....
મારા મનની એકમાત્ર માંગ છું તું,
ક્યારેય માંગણી રૂપે નથી પ્રગટ કર્યો તને,
પણ ઈશ્વર સામે પ્રાર્થનામાં સતત તને જ માંગ્યો છે....
મારા હૃદયની ધડકન છે તું,
ક્યારેય તારો સાથ નથી ઝંખ્યો એ ધબકાર માટે,
પણ તારું અસ્તિત્વ જ એમાં પ્રાણ પૂરતું ગયું....
મારી જિંદગીની જીવાદોરી છે તું,
ક્યારેય જીવનસાથી તરીકે તારો સાથ નથી વિચાર્યો,
પણ જીવનના કોઈ એક ભાગમાં તારું હોવું જ ઘણું છે....
-PARL MEHTA
