જાતજાતના રંગબેરંગી ફૂલો ના ગુલદસ્તા ની સુંદરતા લાગે ઝાંખી,
તારા હાથે કોમળ સજાવેલી એક વેણી છે કાફી !
ના કર કોઈ વિવાદ પડી જશે વિખવાદ,
આંખોથી કરેલો એકમેકનો સંવાદ છે કાફી !
બહુ લખેલા પ્રેમપત્રો હવે કાગળ કલમ મૂકો બાજુએ ,
એ વિરહની તડપન માં વંચાતો સ્નેહ છે કાફી !
ખૂબ કર્યો શણગાર બનવા સાજન કેરી પ્રિયતમા ,
નજર બસ માત્ર એની ન દૂર થાય એટલું છે કાફી !
સાત જનમ ને સાત વચનો ખૂબ છે મોંઘા ,
આ જીવનભર તારી પ્રીત નો સંગાથ છે કાફી !!
Urmi❤
