હસવા માટેનું એક કારણ જોઈએ;
"વિનોદ" કરવા ઉદાહરણ જોઈએ;
જીંદગી આમજ જીવી ને શું કરવું?
જવાબદારીનું થોડું ભારણ જોઈએ;
મથરાવટી થઈ ગઈ મેલી માણસની,
હુસ્નને છુપાવવા આવરણ જોઈએ;
મુશ્કેલી આવે છે દરેકના જીવન માં,
બસ સારું એવું નિવારણ જોઈએ;
કંટકો થી ભરેલો છે આ જીવન પથ,
મંઝિલે પહોંચવા તો છારણ જોઈએ;
છંદ દુહા પોકારે હરકોઇ આજકાલ,
ડાયરો જમાવવા તો ચારણ જોઈએ;
મૃત્યુ પછી તો તરી જાય લાશ પણ,
જીવતેજીવત તરવા તારણ જોઈએ;
