હસ્તી જિંદગીની આ કેવી દશા થઇ ગઇ!
કુદરતના કહેરની એક અસર થઇ ગઇ.
વિચાર્યું નહોતુ જિંદગી જ બદલી જશે!
માણસની જાત આજે દુ:ખી થઇ ગઇ.
આફતો આ કેવી આવી ગઇ!
જિંદગી જ પુરી અસ્તવ્યસ્ત થઇ ગઇ.
નાના માણસની રોજગારી છીનવાઈ ગઇ!
ને એક ટંક માટે ભુખની લાચારી વધી ગઇ.
હાહાકાર એવો તો વ્યાપી ગયો!
જીવનની ગાડી જ ઉભી રહી ગઇ.
છવાયો છે આવો ભીષણ માહોલ!
છતા ડરની બિક જ ઘટી ગઇ.
ગરીબ ટળવળે છે ખાવા માટે!
ને પ્રસંગોમાં લોકોની ભરમાર વધી ગઇ.
આજની પરિસ્થિતિમાં આ માણસજાત!
વિચાર્યા વગરનુ પગલુ ભરતી થઇ ગઇ.
-હેતલ ગોર
