ના છોડો સીતા ને ,ઓ રામ
ના છોડો સીતા ને
સુખ સંપત્તિ વૈભવ ની છોળો
પાછળ છોડી આ સંસાર અનોખો
ખૂંદી વનવન ની કોતર ને
ખાધા એણે કંદમૂળ ને ફળો
વચન તમારું ,આદેશ માતા નો
ચડાવી મસ્તકે લેખ વિધાતા નો
રાજભવન ને આરામ છોડી
બની એ દાસી જે હતી રાણી
અપહરણ ને અગ્નિપરીક્ષા
અશોકવાટીકા કે હોય લંકા
શુધ્ધ હતી એ અને પવિત્ર
શુદ્ર ધોબી ના બોલે આવી શંકા
માતૃત્વ ના આ કપરા દિવસો
રઘુવંશ નો અંશ ઉદર માં
નિરર્થક શંકા ને આધારે
ના છોડો સીતા ને...ઓ રામ
ના છોડો સીતા ને..
#છોડો
