હું તો સુતરના તાતણે ખુશ છું,
બહેની તારા વહાલથી વધુ શું?
રામના રખોપા માંગી રાખડી તે બાંધી,
રક્તના કણ કણ માં હું વીર છું.
દુઃખ ન આવે બહેની તુજને ક્યારેય,
ખુશ રાખીશ સદા, રક્ષાવચનથી હું ચુસ્ત છું.
પર્વ અનેરો આ સ્નેહ ના બંધનનો
કુંમકુંમ તિલકે મળે મીઠાઈનું ઓવારણું
ખુશીઓ વહાવતી આવી છે, પૂનમ હર્ષની,
ભેટ સોગાત આપુ તુજને બળેવની
નાજુક સુતરના દોરાનું આ અતૂટ બંધન,
પ્રભુ દે સદા કુશળક્ષેમ એવા આશિષ હું માગું
#ખુશ
