મૌન તણી દુનિયામાં હું આજ બહુ ખુશ છું
ઉતારી ભારો શબ્દોનો હું આજ બહુ ખુશ છું
છે એટલું બસ છે આ જીવનમાં જીવવા મારે
ખાલી ખિસ્સામાં પણ હું આજ બહુ ખુશ છું
હાથ નાખ્યો ખિસ્સામાં ને નિકળા થોડા શબ્દો
અધૂરી ગઝલમાં પણ હું આજ બહુ ખુશ છું
જવબદારીનું નાવડું લઈ ને નીકળો સાગરમાં
મધદરિયે તોફાનોમાય હું આજ બહુ ખુશ છું
કદી ક્યાં ખબર હતી કે મળશે નહીં મંઝિલ
છતાં 'જીત' અડધે રસ્તે હું આજ બહુ ખુશ છું
જીતેન ગઢવી
