લાવવા મુજને આ સંસારમાં માવડી તે કષ્ટ વેઠ્યા અપાર
પ્રેમે કરીને તુજને ઓ માં શત શત વંદન કરું છું વારંવાર

પડતાં આખળતા વાગે મુજને, પણ પીડા તુજને થાય
મારી વ્હાલી માતા તારી આ લીલા તે કેવી કહેવાય??!!

માથે પ્રેમથી હાથ ફેરવે ને આપે એક મીઠું સ્મિત,
વ્હાલી વ્હાલી વાતો કરી ને ભુલાવી દે પડ્યાં ની વાત

જીવનપંથ માં આગળ વધવા આપે કેટકેટલી શિખામણો
સહેજ બહાર જાવ તેટલામાં કરતી કેટકેટલી ભલામણો

સ્નેહની સરવાણી માં તુ વ્હાલની મીઠી વીરડી
શ્રેષ્ઠ શિક્ષક માં, બેસ્ટ ગાઇડને મારી સખી સાહેલડી

છું હું તારી પ્રતિકૃતિ એવું સાંભળીને માં હર્ષ થાય અપાર
તારા વ્હાલના વર્ણન માટે તો અનેક ગ્રંથો ટૂંકા પડે સાર

ધન્ય અમે થયાં માથે તમ જેવાં માવતરનો હાથ
જન્મદાતા ઋણ તમારું કેમ કરી ભૂલાય??

આપ્યું જીવનઘડતર તમોએ, કર્યું સંસ્કારો નું સિંચન
શીખવાડીને જીવનમૂલ્યો મુજને આપ્યું ઉત્તમ જીવન

પ્રેમ તારો અખુટ અવિચળ માં એમાં ન આવે કદી ઓટ
સંસારના રચયિતા એ પણ જન્મવા માટે માગી માની કુખ

ધન્ય જનેતા જન્મદાત્રી, કેમ ગણું તારા ઉપકાર?!
પામી તુજને માડી થયો છે મુજને ઈશ્વરનો સાક્ષાત્કાર...





મારી વ્હાલી વ્હાલી માતાને સમર્પિત.....

Gujarati Poem by ડૉ.હેમાક્ષિ ભટ્ટ દર્શીનાક્ષી : 111428872

The best sellers write on Matrubharti, do you?

Start Writing Now