વિતે છે એક પછી એક આમ જ ઉજાગરે દરેક રાત,
કહેવી છે પણ ક્યાં કહેવાય છે ? દિલમાં છુપી વાત.. !!
ભૂખ, તરસ, ઊંઘ, સઘળું લૂંટી ગયા એ, એક સપનું આપીને,
થોડા છે સંભારણા, ને આખે આખી છે યાદોની જમાત..!!
એકવાર હાથ આપી, એ બેઠા છે જઈને ઘણા દૂર હવે તો,
ઊંઘમાં પણ ઝંખુ સાથ એનો, થાય પછી સપનાની મુલાકાત..!!
ઉભરાય હૈયે હરદમ અઢળક પ્રેમ મારો, બસ એના જ માટે,
લડે, ઝગડે, ગુસ્સો કરે એ, તોય આ દિલ પકડે એની જ વાટ..!!
પ્રીત કરવી કઈ સહેલી થોડી છે, આ કળિયુગમાં "શ્યામ" ?
પ્રિયજનને પામવા તો અહીં ભૂલવી પડે છે આખી જાત !!
- નીરવ પટેલ "શ્યામ"
૦૬/૦૫/૨૦૨૦, ૧૨:૫૪ AM
