gazal:
નામ બદલવું છે અમારે, નામ શોધી રાખજો
સાવ નવરાઓ કરે, એ કામ શોધી રાખજો.
કસ વગરની આ મદિરાઓ મને ના ફાવશે;
એમના હોંઠે અડેલો જામ શોધી રાખજો.
છું હું તત્પર આજ પીવા વિષ બધાં સંસારનાં,
પણ તમે 'નીલકંઠ' જેવું નામ શોધી રાખજો.
જ્યાં અમારા જેવા પાગલ ને તમે રાખી શકો,
એ નગર મળશે, નહીં તો ગામ શોધી રાખજો.
આવશે સતયુગ પાછો જો તમે એ ચાહશો,
પણ, ફરી વનવાસ માટે રામ શોધી રાખજો.
એટલી સહેલી નથી મારી ગઝલ ને વાંચવી,
જો દુખે માથું તમારું, બામ શોધી રાખજો.
"આર્યમ્"
