પૂછવું છે....
તું મળ મને તો કારણ પૂછવું છે,
શાને સર્જી તેં ધરા ધારણ પૂછવું છે.
રંગ લાલને , લોહી નોખું નોખું.
વ્યાપેલા ઝેરનું મારણ પૂછવું છે.
તું નિરાવે ખેતરે , તું મારે ગોફણ,
કેમ કરું ઉદરનું ઠારણ પૂછવું છે.
વેદ ,ગીતાને વિષ્ણુ , કુરાન પણ જોયું,
સાચું કયું છે તારું પુરાણ પૂછવું છે.
નિત નવા ધર્મો, ધર્મસ્થાનો રચાય છે,
તોય વધે કેમ પાપનું ભારણ પૂછવું છે.
જીવ જન્મનારો શિવ, વશે પથ્થરમાં,
કેમ? તું મળ મને તો કારણ પૂછવું છે.
દિગ ચરોતરી...
#પુછવું
