#પુછવું
પુછવું છે પ્રભુ તમને આ બ્રહ્માંડ કયાથી લાવ્યા.
અનંત મહાસાગરમાં ભરતી ઓટ વમળ લાવ્યા.
સૂર્ય ચંદ્ર તારાઓમાં તેજ પ્રકાશ શિતળતા લાવ્યા.
પુછવું છે પ્રભુ તમને આ શીતલ પવન ક્યાંથી લાવ્યા.
પૃથ્વી પર હિમાચ્છાદિત પર્વતો નદીઓ વૃક્ષો વાવ્યા.
ફુલોમા અનેક સુંદર રંગો અને સુવાસ ચારેકોર લાવ્યા.
પુછવું છે પ્રભુ તમને આ ફળોમાં સ્વાદ ક્યાંથી લાવ્યા.
કોઈ ખાટા કોઈ મીઠાં કોઈ પાણીદાર સુમધુર લાવ્યા.
આશ્ચર્ય એ વાતનું બંધ શ્રીફળ માં પાણી કેમ લાવ્યા.
પુછવું છે પ્રભુ તમને આ બ્રહ્માંડ જીવન ક્યાંથી લાવ્યા.
જાત જાતના પક્ષીઓ રંગ બે રંગી પતંગીયા લાવ્યા.
હિંસક સિંહ વાધ તો વિશાળ હાથી જેવા પશું લાવ્યા.
પુછવું છે પ્રભુ તમને આ જલ ની જલચર ક્યાંથી લાવ્યા.
મહા મોંઘેરો મનુષ્ય અવતાર આ ધરા પર તમે જ લાવ્યા.
નર કહે પ્રભુ તમે વિશ્વનુ આ બધું જ્ઞાન ક્યાંથી લાવ્યા .
નારાણજી જાડેજા (ગઢશીશા)
નર
મુન્દ્રા
