#પુછવું
એક સ્ત્રી ! શું છે દુનિયા માટે
મારે પૂછવું છે.
એક સ્ત્રી! વાત હસીને કરી લે તો શું એના ચારિત્ર પર સવાલ થવો જોઈએ ?
મારે પૂછવું છે.
એક સ્ત્રી! દિવસ દરમિયાન બધાની ફરમાઈશોનું ધ્યાન રાખે, ને જો બોલી જાય કે થાકી ગઈ એ બોલવું ગુનો છે?
મારે પૂછવું છે.
એક સ્ત્રી! કયારેક નિસ્વાર્થ બનીને મદદ કરી દે તો એનો લાભ ઉઠાવવો એ વ્યાજબી છે?
મારે પૂછવું છે.
એક સ્ત્રી! દિવસ દરમિયાન કામ કરતી રહે, ને પોતાના મનોરંજન માટે હેડફોન કાને ભેરવી ગીતો સાંભળે, તો એને બીજા જોડે વાતો કરતી જ માનવું. શું એ સારું છે?
મારે પુછવું છે.
એક સ્ત્રી! દિવસ પરીવાર, પતિ ને સંતાન ને આપી દે છે રાત્રે મોબાઈલમાં ઓનલાઈન દેખાય તો શું એમ માનવું કે લેટનાઈટ ચેટ જ કરતી હશે?
મારે પૂછવું છે.
એક સ્ત્રી! સપનાને જીવવા કયારેક પોતાની વાતને બહાર લાવે, તો તેનો વાંધો પરીવારથી સમાજ દરેક ઉઠાવે, શું એ જરૂરી છે?
મારે પૂછવું છે.
એક સ્ત્રી છું સ્ત્રીની વ્યથા સમજુ છું. આરામ બધા ફરમાવે છે સ્ત્રીઓ ઘરમાં રહીને પરિસ્થિતિથી લડે છે. તેની મદદ થોડી કરવી શું જરૂરી નથી ?
બસ આતો ખાલી મારે પૂછવું જ હતું.
બિંદીયા
