💕✍💕
બાપું તમે જ્યાં હોવ ત્યાં ખુશ રેજો, રાજી રેજો,
અહી બધા ગાંધી150 ઉજવી બધા ખૂશ છે!
ભૂલે છે જ ક્યાં કોઈ અહીં તમને શ્રધ્ધાંજલી આપવાનું!
પણ દુ:ખ થાય છે,આજેય તમારા વિચારોને શ્રધ્ધાંજલી આપી દે છે!
અહીં ખોટું બોલે જ કોણ છે??
સત્યનો ઓળો પહેરાવી બધા સત્ય બોલે છે!
અહી બધા ,બધા જ નિયમોનું પાલન કરે છે!
સત્યની વાત કરો છોને!
સ્વાદ ચાખ્યો તો, કડવું છે, અને ધારદાર છે..
એટલે અહી બધાને ઘાયલ કરે છે!
અહી બધા ,બધા જ નિયમોનું પાલન કરે છે!
લોહી વહાવે જ છે જ કોણ અહી?
લોલુપ ,નશીલી નજરો લઈ
બધા આંખોથી જ ચીર-ફાડ કરે છે,
અહી બધા ,બધા જ નિયમોનું પાલન કરે છે!
ચોરી!!? ચોરી તો અમે કરતાં જ નથી,
તોય ચુપકે- ચુપકે,ચોરી-ચોરી રમી લ્યે છે,
અને...આગળ કહું તો
અહી નજર, મન હ્યદય થી "છબી" કોકની-કોક ચોરી લે છે!
અહી બધા ,બધા જ નિયમોનું પાલન કરે છે!
નિયમ જ છે!પ્રકૃતિ પાસેથી લીધેલુ પાછુ આપવુ પડે છે!
મરી જવાય ! જાણે છે!, છતાં...
"હવા" પોતાના બાપની હોય તેમ ફેફસામાં જ ભરી રાખે છે!
અહી બધા ,બધા જ નિયમોનું પાલન કરે છે!
અહી, બધાજ એમ માને છે કે ,
બ્રહ્મચર્યનું પાલન તે કરે જ છે!
છતાંય મનમાં ક્યાંક એ બ્રહ્ચર્યને તોડે છે!
અહી બધા ,બધા જ નિયમોનું પાલન કરે છે!
બધા ને જોઈએ છે! સમાનતા અને સમાન હક,
પણ તેમના મનમાં "સમતા" ક્યાં આવે છે?
અહી બધા ,બધા જ નિયમોનું પાલન કરે છે!
ખુરશી માટે થઈ,
ખોટાનો સહારો લઈ
બધા અહી "ગાંધી" થઈ ફરે છે!
અહી બધા ,બધા જ નિયમોનું પાલન કરે છે!
અને કહે છે,
અમે તો ભૂલો કરતાં જ નથી!
એમ કહી બધા ભૂલો કર્યા કરે છે!
અહી બધા ,બધા જ નિયમોનું પાલન કરે છે!
-ફરજ પ્રત્યેની નિષ્ઠા, દેશ પ્રત્યેની ફરજ,અને ફરજની ગુણવત્તાની જ વાત કરો છો ને!?
અહી, આંખે રુપિયાની પટ્ટીબાંધી,
હાથે કાળા મોજા પહેરી,
નાકે-કાને ખોસી ડુંચા,
ગંધ, સુગંધ ને શ્વાસ લઈ મોઢેથી ....
બધ્ધે જ ચેકીંગ કરી વળે છે!
અહી બધા ,બધા જ નિયમોનું પાલન કરે છે!
દારુબંધી હોવા છતાં,
ગુજરાતમાં
બધ્ધે જ દારુ મળ છે!
કારણ કે,અહી બધા ,બધા જ નિયમોનું પાલન કરે છે!
વાહનના 50 રુપિયાના PUCની વાત કરું છું ને તું?
અરે....
500માં એ વાહન ઓક્સિજન છોડતું નીકળે છે!
કારણ કે,અહી બધા ,બધા જ નિયમોનું પાલન કરે છે!ઁ
ટ્રાફિકના નિયમો આવ્યાને કાગારોળ મચ્યો હશે ભલે!
ચાર સવારી ગાડી હાંકી,
ચાર રસ્તે બે ને ઊતારી દે છે
અહી બધા ,બધા જ નિયમોનું પાલન કરે છે!
નિયમિતતા!!
નિયમિતતા ના તો પાક્કા આગ્રહી અમે!
એ મને છોડીને બધાને લાગુ પડે છે,એમ બધા માને છે!
અહી બધા ,બધા જ નિયમોનું પાલન કરે છે!
સમય!! સમયપાલન અમને ગમે છે,
છતાંય,
સમય કોકનો ,કોક ચોરી લે છે,
અહી બધા ,બધા જ નિયમોનું પાલન કરે છે!
બાપુ, મુલ્યો ઘણાય ભણીએ છીએ,
અને બુનિયાદીય ભણી ગયા!
પણ,
આજે તમે કહેશો મને,
"સ્વમાન" સાથેની રોજગારી ક્યાં મળે છે?
આદર્શ નાગરિક બનવું જ છે મારે,
પણ શું કરું ?
અહી બધા આ રીતે જ બધાજ નિયમોનું પાલન કરે છે!
બનવું જ છે...
"આદર્શ" શિક્ષક મારેય "જુગલ"
પણ શું કરું?
સાલા ત્યાંય - પાંચ-દસ પેટી માંગે છે!
અહી બધા ,બધા જ નિયમોનું પાલન કરે છે!
#મૂલ્ય
