આ સ્નેહથી તરબતર ઉર હવેથી હરિ તારું.
આસન ગ્રહોને ત્યાં હરિવર હવેથી હરિ તારું.
એ નથી કેવળ મારાં જ જીવનને ચલાવનારું,
વાસ તારો પ્રભુ અજરમર હવેથી હરિ તારું.
ભરપૂર ભાવના છે ભંડારો ઈશ તારા દીધેલા,
એની જ છે આ બધી અસર હવેથી હરિ તારું.
નથી હવે હું એકવચન સાથે તુંય ખરો વિભુ,
જો તું સંમત થા એમાં અગર હવેથી હરિ તારું.
નથી ધબકતું કે ટપકતું કેવળ યંત્ર એ દેખાતું,
કરજે તું મુજ અંતરની કદર હવેથી હરિ તારું.
ચૈતન્ય જોષી. "દીપક " પોરબંદર.
