ગઝલ- જો દોસ્ત બેઠા હોય !

બધું ચપટીમાં છૂમંતર અગર જો દોસ્ત બેઠા હોય !
તને અઘરી નહીં લાગે સફર જો દોસ્ત બેઠા હોય !

સતત આખુંય મ્હેકે, મઘમઘે એની હયાતીથી,
કદી ફિક્કું નથી પડતું નગર જો દોસ્ત બેઠા હોય !

સ્વજન આવી અને બેસે તો તો ટૂંકી બહર જેવું,
પરંતુ થાય છે લાંબી બહર જો દોસ્ત બેઠા હોય !

સમયને હોય ખાલીપો ને એવી કોઈ વેળાએ,
સમયને થાય પીધાની અસર જો દોસ્ત બેઠા હોય !

-કૌશિક પરમાર 'ઉસ્તાદ'

Gujarati Poem by Rinku Panchal : 111230785

The best sellers write on Matrubharti, do you?

Start Writing Now