Tera pass hona hi kaafi hai,
Yeh dosti ka sukoon hi kaafi hai,
Tera pyaar chaahe nayab ho,
Mera bas ye ek tarfa ishq hi kaafi hai!
Tumhe har daffa dekhna hi kaafi hai,
Tumse 2 pal baat karna hi kaafi hai,
Tum chahe inkaar hi kyu na karo,
Mera bas izhaar karna kaafi hai!
Suna tha ki mazak ban jaunga,
Tumhari zindagi ka koi ghair zaroori sa qissa ban jaunga,
Haa shayad thodi raate yuhi khamosh guzregi,
Aur me phir ek daffa andhera ban jaunga!
Ek aakhri karvat lete hue, dil ne paigam de diya,
Chahe kuch bhi ho, par tumhe is ehsas se vaakif karva diya,
Dosti aur pyaar ki fir ek baar ladai hui,
Par iss baar pyaar ne dosti ko samja diya!
Uss k liye mera pass hona hi kaafi tha,
Humari dosti ka ye sukoon hi kaafi tha,
Uska inkaar karna bhi jayaz tha,
Par mera ye ek tarfa ishq abhi bhi kaafi tha!
Lekin soch se kuch alag hi mod le rahi thi,
Ye dosti kuch aur zyada gehri ho rahi thi,
Na kabhi usne qissa doharay, na kabhi mene,
Ye kahani izhaar ya inkaar ki nahi, bas humari dosti ki rahi!
Andhere ka apnapan ab kho gaya tha,
Zindagi me kuch aur rang bhar gaye the,
Dhire dhire, uske saath hi uske bina rehne ki addat ho ne lagi thi,
Ab vo meri zindagi ka koi qissa ban gayi thi!
Uska yuhi saath rehna kaafi tha,
Muje iss bhid se vaakif karna hi kaafi tha,
Pyaar abhi bhi bepanah hai,
Par ye dosti ka naya rang hi kaafi tha.
