#kavyotsav -2
મિલન
ના રાધાની પ્રીત માં,
ના મીરાંના ગીત માં
અદ્ભૂત હતું મિલન
એ રચાયું બે મિત્રમાં.
અષ્ટ પટરાણીને છોડી,
ખુલ્લાપગે આવ્યાં દોડી.
બાલસખાને મળવા કાજે
રાજમર્યાદા આજ તોડી.
જુદાઈની જે પીડા વેઠી,
દ્વારે જઇ ને મળ્યા ભેટી.
ચરણ પખાળી પીડા હરી,
તાંદૂલ ખાઈ દારિદ્રય હરી.
ઋકમણી ને લાગ્યો ભય,
તાંદૂલ પોતાના હાથે લઈ.
પ્રભુને કરી વિનંતિ સાર,
અમે પણ એમાં હકદાર.
મંદ મંદ હસી રહ્યાં હરિ
નીરખે મિત્રને નયન ભરી.
અકળ કળા નાંજાણે કોઈ,
ઝુંપડી હતી ત્યાં મહેલ હોઇ.
ભારે હ્રદયે સુદામા જાય,
મનમાં તો એ બહુ મુંજાય.
ના હું મુખથી કહી શક્યો,
વણકહે એ નાં સમજ્યો.
ઘર આવી ને જુએ જયાં
રૂડા મહેલ શોભે છે ત્યાં.
મનમાં થોડી ગ્લાનિ ભરી,
હરિ મારો કરે એજ ખરી.
જાગૃતિ રાઠોડ
