ક્યાં છે ! #KAVYOTSAV -2
હું રિઝવું ને તું રિઝાય, હું ભીંજવું ને તું ભીંજાય
પ્રેમમાં એવી હવે અસર ક્યાં છે !
હું મનાવું એવી ચાહમાં કારણ વગર તું રિસાય
લાગણી એવી હવે પ્રબળ ક્યાં છે !
આંસુ છે હવે મારા પાંપણમાં જ સુકાય
નયન ઝંખે હાથ તારા એ તને ખબર ક્યાં છે !
ભાગતો રહ્યો હરણ માફક જ્યારે પણ તારી છબી રેલાય
આજે પણ શોધું છું મૃગજળ ક્યાં છે !
બહુ મોડી ખબર પડી કે પ્રેમને વણઉકેલ્યો પ્રશ્ન કહેવાય
ને હું શોધતો રહ્યો કે ઉત્તર ક્યાં છે !
- પ્રકાશ ડોબરીયા
