... એય સાંભળને...
ખોટું ન લાગે તો એક વાત કહું...
હું થોડાં દિવસ હવે તારામાં રહું ???

જો તું કામમાં હશે તો હું વાત જ નહીં માંડું,
ને તારા મૌનમાંયે કોઈ દી ના છાંટા ઉડાડું,
આ શમણાંનો કાયદો તો હાથમાં જ ન લઉં...
શું હું થોડાં દિવસ હવે તારામાં રહું ???

કોણ જાણે હિમ શી એકલતા છે જામી,
વૈદો કહે છે કે : "એ તો હૂંફની છે ખામી,"
એ કહે છે "તારામાં લાગણી છે બહું ..."
શું હું થોડાં દિવસ હવે તારામાં રહું ???

રોજ એક ઈચ્છા સામે મને મળે છે,
આંખોમાં ભીનું થઈ નામ ટળવળે છે,
તારામાં જ તારાથી આગળ હું નહીં જાઉં...
શું હું થોડાં દિવસ હવે તારામાં રહું ???

રસ્તામાં પાથરેલ કાંટા જો મળશે,
પહેલાં મારી હથેળી પછી પગ તારો પડશે,
ને એ વેદનાનો ભાર પણ હું એકલી જ સહું...
શું હું થોડાં દિવસ હવે તારામાં રહું ???

કહેણ મોસમનું કોઈ મને ભાવતું નથી,
મને સાચકલે મારામાં જ ફાવતું નથી,
આમ, ટીપાંની ધાર બની ક્યાં સુધી વહું...
શું હું થોડાં દિવસ હવે તારામાં રહું ???

Gujarati Song by Komu : 111157832
Jigar Patel 8 year ago

superb ... awesome yaar...?

Jainish Dudhat JD 8 year ago

wah wah. ha jaroor raho marama.... pan rent aapvu padse ??????????

Bhupen Savla 8 year ago

આશા પુરોહિત ની ગઝલ છે,વાહ વાહ. બહોત ખુબ

Vanraj 8 year ago

incredible ?

The best sellers write on Matrubharti, do you?

Start Writing Now