હાલને આપણે બંને રંગે રંગાઈ જઈએ *હોળી* આવી.
ભળી જઈ એકમેકમાં એકરંગા થઈએ *હોળી* આવી.
ના રહે અલગ પછી અસ્તિત્વ જ આપણું ઊભયનું,
સ્નેહસરિતામાં આખરે તણાતાં રહીએ *હોળી* આવી.
સમય છે સારો મનની હોલિકાનું દહન કરવાનો આજે,
ઉરના ઊંડાણના પ્રહલાદને બચાવીએ *હોળી* આવી.
અંતરે પાંગરે શીતળતા હૈયા *હોળી* હોમી દઈએ પછી,
ઉરદાહને રખેને આજે અલવિદા કહીએ *હોળી* આવી.
છોને કાદવ ઉછાળી મોં કાળાં કરે આસુરી તત્વો ભલે,
આપણે તો રંગે ગુલાલ પરસ્પર રમીએ *હોળી* આવી.
