???✒?✒?
ટૂંકી વાર્તા : ભીખો
આજે નવા વર્ષ ની પેહલી તારીખ હતી , ગઈકાલ રાત્રી ની પાર્ટી થી આખું મેદાન રફેદફે હતું અને ભિખાએ આખું મેદાન વાળી ઝૂડી ને સાફ કરવાનું હતું . બે દિવસ થી કામ મળ્યું ના હતું અને ઘરે વાંસણ કુસ્તી કરતા હતા .બાયડીની દવાના પૈસા ના હતા અને ધંધા રોજગારના કોઈ ઠેકાણા ન હતા .ધીમે ધીમે ભિખાએ ગ્રાઉન્ડ સાફસૂફી કરવાનું શરુ કર્યું અને વિચારતો હતો કે આજે ૧૦૦૦ રૂપિયા મળી જાય તો બધું ટેંશન દૂર થઇ જાય . શેઠે ૩૦૦ રૂપિયા નક્કી કર્યા હતા જેમાંથી પત્નીની દવાના ૫૦ રૂપિયા અને કરિયાણા વાળા ને ઉધારીના ૧૦૦ રૂપિયા આપ્યા પછી ૧૫૦ રૂપિયા વધશે એમાંથી કંઈક કરવું પડશે . અચાનક એના પગમાં કઈ ખૂંચ્યું અને આ જોયું તો હીરા ની બુટ્ટી ચમકતી હતી , બુટ્ટી ઉપાડીને ભિખાએ ખીસા માં મૂકી દીધી અને વિચાર્યું કે શેઠ ને આપી દઈશ પણ પછી વિચાર આવ્યો કે શેઠ એ બુટ્ટી રાખી લેશે તો કોઈને અન્યાય થશે . સાંજે આખું ગ્રાઉન્ડ સાફ થઇ ગયું અને શેઠ પાસે થી ૩૦૦ રૂપિયા લઈને ભીખો ગ્રાઉન્ડ ની બહાર બેસી ગયો , એનો અંદાજ સાચો નીકળ્યો , એક મોટી ગાડી માં અમીર ઘર ની બાઈ ગ્રાઉન્ડ ઉપર જઈને કઈ શોધવા લાગી અને પછી શેઠની ઓફિસ તરફ ગયી . ભીખો આ બધું જોતો હતો અને એને પેલી બાઈ પરત થતી હતી ત્યારે ગાડી અટકાવીને નમ્રતા થી પૂછ્યું " બેન શું શોધતા હતા ? બેને કહ્યું " ગઈકાલે રાત્રે પાર્ટી માં મારી સોલિટેર હીરાની બુટ્ટી પડી ગઈ છે ; ભિખાએ તરતજ પેલી બુટ્ટી કાઢીને બતાવી તો પેલી બેન ની આંખમાં હીરા કરતા વધારે ચમક આવી ગઈ અને તરતજ પેલી બુટ્ટી લઇ લીધી અને કહ્યું " આભાર ભાઈ , મારા પતિએ ૫૦મી વર્ષગાંઠ નિમિતે મને ૫ લાખ રૂપિયાની બુટ્ટીઓ અપાવી હતી અને આજે આખો દિવસ એ બુટ્ટી શોધવા માં ગયો પછી વિચાર આવ્યો તો અહિંયા શોધવા આવી અને ભગવાને જાણે તમને અહિંયા મોકલ્યા હોય તેવું લાગે છે ; લો આ પાંચ હજાર રૂપિયા રાખો આ મારી તરફ થી તમારી પ્રામાણિકતા ની બક્ષીશ છે ;અને જો તમારે માળી તરીકે કામ કરવું હોય તો આ મારું એડ્રેસ છે કાલે આવી જજો મને તમારા જેવા પ્રામાણિક માણસ ની જરૂર હતી . ભીખા ની આંખમાં થી આંસુ વહી ગયા અને પેહલી તારીખે એને સહુથી સારી ભેંટ મળી ગઈ હતી .
આસીમ !!!?✒??
