જીવન જીવવું એ જ પડકાર છે,
લડી જાય એને નમસ્કાર છે.

જે માનવ કરે છે સમયની કદર,
ખરેખર જીવન એનું સાકાર છે.

મળી જાય માંગ્યા વગર કાંઇપણ,
જીવનમાં થતો એ ચમત્કાર છે.

મળે દર્દ માનવને સરખો અહીં,
દરદનો તો કયાં કોઈ આકાર છે?

જીવન જીવે જે અન્ય માટે અહીં,
જગતમાં થતો એનો સત્કાર છે.

અને કર્મ સૌ સ્વાર્થ ખાતર કરે,
એ માનવ ઉપર સૌને ધિક્કાર છે.

સદા દર્દમાં પણ જે હસતો રહે,
એ બીજું કો નહિ માત્ર ધબકાર છે.

-ઉમેશ તામસે 'ધબકાર',
વ્યારા (તાપી)

Gujarati Shayri by Umesh Tamse : 111064439

The best sellers write on Matrubharti, do you?

Start Writing Now