ગયા રવિવારે સાંજે હું મારા પરિવાર સાથે ફિલ્મ જોવા ગયેલી. અમારી પાછળની સીટ પર ચાર પાંચ કોલેજીયન છોકરાઓ બેઠેલા હતા. એ લોકો એમની જ મસ્તીમાં લીન હતા. એકબીજા જોડે મસ્તી કરતા, સીટ કૂદી કૂદીને એક લાઇનમાંથી બીજી લાઈનમાં જતા અને જોર જોરથી વાતો કરતા હતા, નાની નાની ગાળો પણ બોલી રહેલા.

એ શરૂઆતની દસેક મિનિટ મને એ લોકો ઉપર ખૂબ જ ગુસ્સો આવી ગયેલો. થયું કે આ લોકોમાં સંસ્કારનો છાંટોય નથી...!

ફિલ્મ શરૂ થઈ એ પહેલાં રાષ્ટ્રીય ગીત શરૂ થવા જઈ રહ્યું છે એવું જણાવતી એક જાહેરાત થોડીક સેકંડ માટે આવી, જાણે જાદુ થયું હોય એમ એ દરેક છોકરો એની સીટ આગળ આવી ઊભો રહી ગયો અને ધીમા સુરે, બધાએ શિસ્તબદ્ધ રીતે એકસાથે મળીને આપણું રાષ્ટ્રગીત ગાયું!!

સાચું કહું છું મનમાં એ લોકો માટે જે જે નેગેટિવ વિચાર આવેલા એ બધા જ એક પળમાં છું થઈ ગયા..અને થયું કે આજના યુવાનો ભલે મસ્તીખોર હોય પણ સાવ કાઢી નાખવા જેવા તો નથી જ. એ પછી એ લોકોએ શાંતિથી આખું પિક્ચર જોયું... મને ગર્વ છે આજની યુવા પેઢી પર અને ઉમ્મીદ પણ કે એક દિવસ એ લોકો જરૂર આપણા દેશનું નામ વધારે ઉંચાઈઓ પર લઈ જશે..

જય હિન્દ
જય ભારત
??????

Gujarati Blog by Niyati Kapadia Nirjhar : 111063268
Harshad Patel Pij 8 year ago

છોકરાં છે મસ્તી મજાક કરે પણ સાથે એક સાચા હિન્દુસ્તાની પણ છે તેમના દિલમાં એક ભારતીય હોવાનો એક જુસ્સો પણ હોયછે.

The best sellers write on Matrubharti, do you?

Start Writing Now