શું કામ?
મદહોશીમાં કરું એકરાર
એવી દિવાનગીનું શું કામ?
હોશમાં કરું ખુદને પેશ
દિલની પરવાનગીનું કામ
સફર છે અને તય છે મંઝિલ
ખાલી હમકદમનું શું કામ?
કરું દુઆ દરિયો પાર કરવાની
તો બનો હમદમ ખરૂં કામ.
હામી મળે હર વાતે જો
એ હમખયાલનું શું કામ?
કરૂં હું કોઈવાર જો નાની ભૂલ
ટોકવું, એ દોસ્તનું ખરું કામ.
દુનિયા બનાવી ઓઝલ રહો
એ ખુદાઈનું શું છે કામ?
જોઉં જો કોઈની મુસ્કાનમાં
તો એ છે ખરું દિદારનું કામ!
©અર્ચિતા દીપક પંડ્યા
