Quotes by Matangi Mankad Oza in Bitesapp read free

Matangi Mankad Oza posted an update Gujarati Blog

#મર્યાદા_માણો
તમને શું સારું આવડે છે એ તો તમે જાણતાં હો છો પણ તમે શેમાં નબળા છો તે તમને ખબર છે? પોતાની શક્તિ વિશે તો આપણે જાણીએ છીએ અને તે તો આપણે લોકો માં ઉત્સાહ થી શેર પણ કરીએ છીએ પણ ક્યારેય તમારી નબળાઈ શેર કરી, શેર તો બહુ દૂર ની વાત છે પણ પોતાની જાત પાસે સ્વીકાર કર્યો કે આ મારું કામ નહીં. જરૂરી તો નથી કે બધું જ બધા ને આવડતું હોય કે બધી રીતે બધા શક્તિ શાળી હોય. ક્યાંક શારીરિક, માનસિક અને સામાજિક ને કારણે પણ તે વસ્તુ માં તમે નબળા હો તો સ્વીકારો અને હું તો કહું કે લીસ્ટ બનાવી જાહેર જ કરી દયો કે આટલું મારું કામ નહીં પોતાની મર્યાદા ખબર હશે તો સ્વીકાર સહેલો જ થશે. મર્યાદા તો શ્રી રામ થી લઇ બધા માં તો હોવાની તો એમાં શરમાવાનું શું કામ તમારી મર્યાદા ને તમારી નબળાઈ નહીં તમારી તાકાત બનાવો અને તે ત્યારે જ બની શકશે જ્યારે મર્યાદા નો સહજ સ્વીકાર હશે ... (#MMO ) મને ખબર હોય કે મારી લિમિટ ક્યાં છે તો પછી કારણ વગર તે રેખા ને લાંગવા ના વ્યર્થ પ્રયાસ જ હું નહીં કરું ને જેથી મારી શક્તિ બચશે જેનો ઉપયોગ હું મારી જે આવડત છે તેમાં નાખી શકીશ.. મર્યાદા ને માણતા આવડી જશે ને તો શક્તિ નો સાચો ઉપયોગ કરી શકશો.....{#માતંગી }

333 Views

10 others like this post.

Matangi Mankad Oza posted an update Gujarati Thought

5 year ago

આ વીડિયો એ લોકો માટે જે હમેંશા સ્ત્રી ની વાત હોય તો પોતે પુરુષ છે તે સાબિત કરવા ના પ્રયાસો કરતાં હોય છે... મહિલા દિવસ જેમને ખટકે છે... મહિલા ને મળતું માન સન્માન જેમને પોતાનું અપમાન લાગે છે. એવા મારા ભાઈઓ ને નામ જે હમેંશા સ્ત્રીઓ ની લીટી નાની કરવામાં પોતાની જીત માને છે... (#MMO )

1k Views

8 others like this post.

Matangi Mankad Oza posted an update Gujarati Microfiction

5 year ago

#હું_કોણ_છું ?

ઋજુતા ને આ સવાલ થોડા મહિના થી સતાવી રહ્યો હતો. "લગ્ન પહેલાં તો બધા મને ઓળખતા હતા. મારા ફિલ્ડમાં મારું એક સન્માનીય સ્થાન હતું." (#MMO )
લગ્ન થયા ને પાંચ વર્ષ થયા રાજવી પણ ત્રણ વર્ષ ની થઈ ગઈ. ત્યાં સુધી ક્યારેય આ સવાલ જ ન આવ્યો કે હું કોણ છું. એક પત્નિ , વહુ અને પછી મા તરીકે એટલી વ્યસ્ત થઈ ગઈ કે હું કોણ છું તે જ ભૂલી ગઈ. મને મારે શોધવી તો પડશે જ... એમ કહી ફરી કબાટમાં થી જૂની ડાયરી લઈ લખેલી કવિતાઓ ને વાંચવા લાગી..{#માતંગી }

411 Views

12 others like this post.

Matangi Mankad Oza posted an update Gujarati Blog

5 year ago

સંબંધ

#સંબંધ

સંબંધ તાળી ની જેમ કાં તો વાગે અથવા તમાચા ની જેમ લાગે.. એટલે કે બે વ્યક્તિ સાથે મળી જો સંબંધ સાચવવાના પ્રયાસ કરે તો તાળીની જેમ મસ્ત અવાજ સાથે ઊર્જા પણ ઉત્પન્ન થાય જ્યારે એક જ વ્યક્તિ પ્રયત્ન કરે ત્યારે તે જ વ્યક્તિ ને તમાચો પડ્યો હોય એવું જ અનુભવાય. ઘણી વખત આપણી ઈચ્છા ન હોય એવા સબંધ નો બંધ બાંધવાના પ્રયત્ન કરતા હોઈએ છીએ કે જે તૂટવાનો જ હોય છે. મન સાથે જે સંબંધ જળવાઈ તે જ બંધ સાચો બંધાઈ.
જાળવવા પડે જ્યાં વ્યવહાર ત્યાં સબંધ જળવાતો નથી. સંબંધ તો એવો હોય કે વ્યવહાર સચવાઈ જાય છતાં તમને ખ્યાલ જ ન આવે. જ્યારે સબંધ માં ભાર લાગવા માંડે ત્યારે તે સબંધ ને પડતો મૂકી હળવા થઈ જવું જોઈએ.

કારણ કોઈ પણ હોય,
જો તમે અધવચ્ચેથી છોડી શક્યા

તો કદાચ એ 'રમત' હશે...

'સંબંધ' નહીં !.....🐧 unknown

સબંધમાં રમત રમવાની કળા છે જે બધાને !ન આવડે અને જેને આવડે એ રમત તો રમી જાણે પણ સબંધની સુંદરતા ખોઈ જાણે છે 😊
સબંધ અકબંધ હોય હા ક્યારેક એ રસ્તા ના વણાંકોમાં ખોવાય જાય છે પણ જો એ સબંધ સાચા હશે તો એ કિલોમિટરોના ફાંટા પછી પણ એવા જ હશે ને જો રમત હશે તો એ સમયને આધિન હશે સમય પૂરો ખેલ ખતમ ને એ રમાતી રમતમા હારજીત કરતા પૂર્ણાહૂતિ અગત્યની હોય છે 😊

સોશ્યલ મીડિયામાં સંબંધ જીવવા ના ઓછા અને દેખાડવાના વધુ થઈ ગયા છે. કરવું પડે એટલા પૂરતા જ ઘણાં સંબંધ ટકેલા છે. લોકો ને દેખાડવા જ સંબંધ જળવાયેલા છે બાકી અંદર ખાને તો માણસ પણ તૂટેલો હોય છે. શુભેચ્છા થી લઇ સાંત્વના પણ ફેક્ થઈ રહી છે. રિયલ વ્યક્તિત્વ જ જડતું નથી. કહેવું પડે અને કરવું પડે માં ઈચ્છા તો ગુમ થઈ ગઈ છે. અરીસો દેખાડનાર મિત્રો કે સબંધીઓ થી દુર વાહ વાહ ની ખોટી વાતો કરતાં લોકો ના ઝુંડ વચ્ચે રહેવા લાગ્યા છીએ. બ્લૂ ટિક માર્ક સાથે જીવન જીવવા લાગ્યા છીએ. પ્રેમ નહીં
Attentionના ભૂખ્યા થઈ ગયા છીએ. {#માતંગી }

9 others like this post.

Matangi Mankad Oza posted an update Gujarati Blog

5 year ago

મારો વહાલો દીકરો અકી (અર્ક)

તારી બોર્ડની પહેલી પરિક્ષાનું પહેલું પેપર આવતી કાલે છે. કેટલા લોકો એ શુભેચ્છાઓ પાઠવી કેટલા લોકો એ સાકરપડો આપ્યો. એ બધાના આશીર્વાદ હમેંશા કામ આવે જ દીકરા તે યાદ રાખજે. સમજુ છું કે અત્યારે પરિસ્થતિ એવી છે કે આ નાનકડી પરિક્ષાનો હાઉ પણ એવો બનાવી દેવામાં આવ્યો છે કે જાણે રાક્ષસ હોય. આ તો પહેલું પગથિયું છે તારી કારકિર્દીનું હજી તો આખો ગિરનાર ચડીને દત્તાત્રેયની ટોચ સુધી જવાનું છે તારે માટે જરાય ચિંતા ન કરતો આ પરિક્ષા તો રિક્શા જેવી હોય આવે અને જાય. આપણને એક જગ્યા એથી બીજી જગ્યા એ પહોંચવામાં મદદ કરે માટે જેમ પહેલી રિક્ષા જેવું જ આમાં પણ હોય પરિક્ષા તો આવે જાય બહુ ચિંતા કરવી નહીં. આપણે હમેંશા આપણું ૧૦૦ ટકા આપવું જે આખું વર્ષ શીખ્યા છીએ તે ત્રણ કલાકમાં તો થોડી સાબિતી આપી શકાય પણ આ પરિક્ષાને એક પરિણામ લક્ષી ન જોવી બેટા પરિક્ષામાં ભાગ લેવા થી જ અડધી જંગ તો જીતી લેવાય છે. બધા ભલેને બિવડાવે.. તને ખબર છે.. ગયા વર્ષે ૧૭ લાખ થી ઉપર બાળકો એ આ પરિક્ષા આપેલ એમ દર વર્ષે લાખો લોકો આ પરિક્ષા આપે છે જેમાં થોડાક જ બાળકો ખૂબ સારા માર્ક્સ સાથે પાસ થતાં હશે અને એ પણ આ પરિક્ષામાં પણ જીવનની પરિક્ષામાં તો કદાચ જે ધાર્યા કરતાં પરિણામ નહીં લાવ્યા હોય તે જ પાસ થયા હશે.

પરિક્ષા એ કોઈ તમારું પોતાની બુધિક્ષમતા માપવા નથી લેવાતી એ તો શિક્ષણ પદ્ધતિના ભાગરૂપે જ લેવાય છે. એટલે આપણે આપણું કામ કરવાનું જે પેપરમાં પૂછાય તે દરેક સવાલના જવાબ આપણી સમજશક્તિ મુજબ આપી દેવાના બહુ ચિંતા કરવાની નહીં. કારણ આ પરિક્ષામાં જે ટોપ કરે તે કદાચ જિંદગીમાં આવતી કેટલીય પરિક્ષામાં પાસ પણ ન થઈ શકે અને આ પરિક્ષામાં જે નબળું પુરવાર થાય તે જીવનની પરિક્ષાનો એકકો પણ સાબિત થાય.
બસ કોઈ જ ચિંતા કર્યા વગર મસ્ત રીતે પેપર લખીને આવજે પરિણામ અમારા માટે ક્યારેય મહત્વનું રહ્યું નથી અને રહેશે નહીં ...

તારી હિટલર મમ્મી
માતંગી માંકડ ઓઝા

આ સાથે બોર્ડની પરિક્ષામાં બેસનાર બાળકોના વાલી અને અભિભાવકોને હાથ જોડી વિનંતી કરીશ કે બાળકોને પરિક્ષાની બીક ન લાગવા દયો એમનાં માટે બોર્ડની પરિક્ષા પણ એટલી જ સામાન્ય બનાવો જેટલી બીજી સ્કુલની પરિક્ષા ઓ હતી. આપણા બાળકો એ હજી તો જિંદગીમાં આગળ ખૂબ બધી પરિક્ષાનો સામનો કરવાનો છે માત્ર એકેડેમીક જ નહીં ડગલેને પગલે લોકો અને કુદરત પણ પરિક્ષા લેશે એટલે આ પહેલાં પગલાં માં જ એમને એટલા સક્ષમ બનાવી દયો કે પરિક્ષાને હાવી નહીં હવા ગણી શકે. એમને પાસ થવાનું છે નાસીપાસ નહીં. આ કોઈ જ મોટી પરિક્ષા નથી તે તમારે પણ યાદ રાખવાનું છે.(#MMO )

582 Views

8 others like this post.

Matangi Mankad Oza posted an update Gujarati Blog

5 year ago

https://youtu.be/swe-hFhwR-4

374 Views

2 others like this post.

Matangi Mankad Oza posted an update Gujarati Blog

5 year ago

#સ્ત્રી_સ્ત્રી_ફરજ_પ્રાયોરોટી
#workingwoman_Homemaker

તમે ક્યારેય કોઈ કામ ન કરતી સ્ત્રી જોઈ છે ? આ સવાલ મને એટલે આવ્યો કે આપણે નોકરી કરતી સ્ત્રીઓ ને વર્કિંગ વુમન નો દરજ્જો આપ્યો. મને આ શબ્દ પ્રત્યે વાંધો છે કારણ સ્ત્રી નોકરી કરતી હોય કે ઘર સંભાળતી હોય તે વર્કિંગ જ હોય છે. સવારે ઊઠે ત્યારથી રાત્રે સુવે ત્યાં સુધી કામ ના બોજ નીચે જ દબાયેલી હોય છે અને સૂતા સૂતા જે વિચારો આવતા હોય તેમાં ઘર અને પરિવાર માટે કરવાના કામની જ યાદી હોય છે. બીજો દ્રષ્ટિકોણ કહું તો નોકરી કરતી સ્ત્રીઓ હાઉસ વાઇફ એટલે કે હોમ મેકર કેમ નહીં? શું નોકરી કરતી સ્ત્રીઓને ઘરના કામની જવાબદારી હોતી નથી? આમ તો આવા ભાગ પાડવા જ ખોટા છે કે નોકરી કરતી સ્ત્રી એટલે વર્કિંગ વુમન અને ઘર સંભાળતી સ્ત્રી એટલે હાઉસ વાઇફ. આવા નામ પાછળ પણ આપણી પિતૃસતા વિચારધારા જ ભાગ ભજવે છે. બે સ્ત્રીઓ ને અલગ અલ લેબલ આપી એમનાં અંદર એક બીજા પ્રત્યે દ્વેષ ઉદભવવા દેવાની ભાવના રહેલી છે. ઘણી વખત એવું જોયું અને અનુભવ્યું પણ છે કે બંને પોત પોતાના સ્થાનને ઊંચું લાવવા સામે રહેલ વ્યક્તિ ના પગ ખેંચવા ના પ્રયત્ન કરે છે. માટે સ્ત્રી ને કોઈ જ લેબલ ની જરૂર નથી ન તો વર્કિંગ ન તો હોમ મેકર સ્ત્રી કે નારી જ બહુ મોટી પદવી છે.

બીજી વાત કરવાની છે બે કામમાંથી એક કામ ને પસંદગી કરવાની હોય તો અગ્રતા આપવામાં સ્ત્રીઓ નબળી પડે છે. એટલે નહીં કે પ્રાયોરોટી શું છે તે તેમને ખબર નથી પડતી પણ પ્રાયોરિટી માં હંમેશા ઘર, પરિવાર અને વરની જરૂરિયાત ને ધ્યાનમાં રાખવાની એક આદત પડી ગઈ છે. ત્યાં સુધી કે તકલીફ સહન કરી ને કે ન ગમતું કરી ને પણ આપણે ઘર પરિવાર કે વરના નજીવા કામ ને આપણા મહત્વના કામ સામે ત્રાજવે તોલી એ તો આપણા ન જરૂરી પ્રેમ નો ભાર પરિવાર તરફ જ જુકે છે. રસોઈ કે ઘરનું બીજું કે ત્રીજું કામ કે જે કદાચ આગળ પાછળ થાય તો આભ ન તૂટી પડવાનો હોય પણ આપણે એને મહત્વ ખૂબ જ આપીએ છીએ હું કોઈ જ કામ ચોરી ની વાત નથી કરતી હું પોતાના માટે ના સુખ કે સમય ચોરી ની વાત કરું છું. (#MMO ) પ્રાયોરિટી તમને ગમતું કાર્ય રાખશો તો તમને જ સંતોષ થશે. તમારામાં જન્મેલ અસંતોષ ની લાગણી તમારા પરિવારમાં આડકતરી રીતે પણ અસર પાડતી જ હોય છે. માટે તમને ગમતી પ્રવૃત્તિ નું મહત્વ આપો અને બને ત્યાં સુધી તેને એટન્ડ કરવાનું ટાળો નહીં. ફરજ બજાવતા બજાવતા પોતાના જીવનને પ્રેમ કરવાનું ભૂલવું નહીં. એક વાત યાદ રાખવી કે જો કોઈ વાત કે વસ્તુ કે વ્યક્તિ તમારા માટે પ્રાયોરિટી હશે તો તમે ગમે તેટલી મુશ્કેલી માં થી પણ રસ્તો કાઢી લેશો અને જો એ મહત્વ ની નહીં હોય તો બહાના પણ આરામ થી મળી જ શકશે. તમારી પ્રાયોરિટી તમારા વ્યક્તિત્વ નો જ એક ભાગ છે. આ સાથે આ બાબતનો વિડીયો શેર કરી રહી છું. {#માતંગી }

https://youtu.be/o93CmDSXirE

434 Views

3 others like this post.

Matangi Mankad Oza posted an update Gujarati Microfiction

5 year ago

#માઇક્રોફિક્સન
#આઝાદી_એટલે_શું ???
આ આજે શું છે સાહેબ? સિગ્નલ પર ભીખ માંગતી ગૌરી એ ટ્રાફિક પોલીસ ને પૂછ્યું.
ગૌરી આજે ભારત સંપૂર્ણ લોકતંત્ર બન્યું હતું. ટ્રાફિક હવાલદારે કહ્યું. (#MMO )
એટલે સાહેબ ગૌરી ની ઉત્સુકતા વધતી જતી હતી. આપણને આઝાદી મળી , આટલું હવાલદાર બોલ્યા ત્યાં જ ગૌરી એ વચ્ચે જ કહ્યું આ આઝાદી એટલે શું??????? {#માતંગી }

658 Views

7 others like this post.

Matangi Mankad Oza posted an update Gujarati Blog

5 year ago

વેવાઈ_ઇફેક્ટ_વિચારો_ડિફેકટ
#વેવાઈ_ઇફેક્ટ_વિચારો_ડિફેકટ

હમણાં તો વેવાઈ ઇફેક્ટ ચાલે છે ત્યારે ચાલો હું પણ ત્યાં થી જ વાત ચાલું કરું. છેલ્લા ચાર પાંચ દિવસમાં જેટલા વેવાઈ વેવાણ ના મેસેજ, વન લાઇનર કે જોકસ બહાર પડ્યા એમાં મજા તો આવી. મેં પણ એકાદ જોક બનાવી દિધો. મને એમાં કંઈ ખોટું લાગતું નથી કારણ આ બધા જ જોકસ કોઈ વ્યક્તિ માટે નથી બનતા બીજું આ જોક્સ બને છે એની પાછળ જવાબદાર એ વેવાઈ વેવાણ કરતાં પણ ખતરનાક આપણી અને આપણા સમાજની ન સ્વીકારવાની ભાવના જ જવાબદાર છે. આપણે જોકસ ને જોકસ રૂપે સ્વીકારતા જ નથી એ આપણા અસ્વીકાર ની મહત્વની વાત છે.

થોડીક ઝીણવટ પૂર્વક આ વાત ને સમજવાનો પ્રયત્ન કરીએ તો લોકો વાત કોની કરે છે જોકસ કોના બનાવે છે જે લોકો વાતને છુપાવવામાં માને છે. જેમને પોતાને જ પોતાના કર્મો પર વિશ્વાસ ન હોય તે જ આ રીતે કોઈ પણ વાતનો સામનો કરવાની જગ્યા એ ભાગી જાય છે. એ વાત સમજતાં નથી કે ભાગી ને ક્યાં સુધી જઈ શકાશે? એમાં જ્યારે ઇન્ટરનેટ આવવા થી દુનિયા મુઠ્ઠીમાં આવી ગઈ છે ત્યારે તો જરાય શક્ય નથી. એક વાત હું ચોક્કપણે માનું છું કે લોકો ને તો બીજાના ઘરમાં ડોકિયા કરવાની આદત હોય જ છે પણ જો તમે પોતે જ દરવાજો ખોલી નાખો તો ડોકિયા થવાના જ નથી. તમારા જીવનને એવી ખુલ્લી કિતાબ બનાવો કે વાંચનાર ને કોઈ તકલીફ જ ન પડે.

સુરતના આ બનાવની જ વાત કરું તો જો આ વેવાઈ વેવાણે પોતાના પરિવારને પોતાના હૃદયની વાત કરી દીધી હોત તો વધુ માં વધુ બે પરિવારનું વાતાવરણ બગડત, થોડું રોવા ધોવાનું , થોડું સંભળાવવાનું અને વધુમાં વધુ સબંધ માં પૂર્ણવિરામ આવી જાત. પણ ભાગી જવાથી પણ આ બધું તો થયું જ હશે પણ બે ઘરની વાત પૂરા વિશ્વમાં ફેલાઈ અને પછી એને જોકસ બનાવવામાં પણ તકલીફ પડત. થયું એવું કે માત્ર પોતાની જાતને જ નહીં આ બંને એ પરિસ્થતિ થી ભાગી વેવાઈ વેવાણ ના સબંધ ને પણ હાંસી નું પાત્ર બનાવી દીધો.

પ્રેમ ગમે તે ઉંમરે થઈ શકે અને પ્રેમ ગમે તેની સાથે થઈ શકે પણ જો એ સબંનો સ્વીકાર તમારું પોતાનું મન પણ ન કરતું હોય તો તમને તકલીફ થવાની જ છે. જો તમને તમારા એ સબંધ પર વિશ્વાસ હોય તે લાગણી પર વિશ્વાસ હોય તો તમે આ વાતનો સામનો સહેલાઇ થી કરી જ શકો. આપણે હંમેશા ડર થી જ જીવીએ છીએ અને સમાજનો આ ડર જ આપણને ભૂલો કરવામાં પ્રેરણા આપે છે. આજે સોશ્યલ મીડિયામાં વાયરલ થયેલ આ વાત માટે ન તો લોકો નો વાંક કાઢી શકાય અને ન તો સોશ્યલ મીડિયાનો વાંક કાઢી શકાય. વાંક એ દંભી લોકોનો છે જે આચાર અને વિચારને સમનવય કરી ને ચાલતા નથી. (#MMO )

એક વાત જોકસ ને જોકસ તરીકે લ્યો જીવનમાં દરેક સમયે એરંડિયું પીધેલ સ્વભાવ નો આ યુગમાં ક્યાંય સ્થાન નથી. વેવાઈ વેવાણ જ નહીં પણ કોઈ પણ જોકમાં લોજીક કાઢવા હાલી ન નીકળવું જોઈએ.{#માતંગી }

465 Views

8 others like this post.

Matangi Mankad Oza posted an update Gujarati Blog

5 year ago

#સર્વશક્તિમાન પરમતત્વ

આપણે કંઈ કરતાં નથી , બધું જ આપણા થકી કરાવવામાં આવે છે. આપણે ખરેખર એનાં હાથની કઠપૂતળી જ છીએ એ ઈચ્છે એમ જ નાચવું પડે. ભગવાન છે કે નહીં એ મને નથી ખબર પણ કોઈ એવું પરમતત્વ છે જે તમારા કાર્યો, તમારી ઈચ્છાઓની યાદી પોતાની પાસે રાખીને તે પૂરી કરવામાં મદદ કરે છે. હું સંપૂર્ણપણે એ સર્વશક્તિમાન પરમતત્વને માનું છું. જે ડગલેને પગલે તમને રસ્તો ચિંધાડે છે હવે એ રસ્તા ઉપર ચાલવું કે પછી અલગ રસ્તા ઉપર ચાલવું તે આપણે નક્કી કરવાનું હોય છે.

કોઈને મળવું કે કોઈ વસ્તુ મેળવવી બધું જ તો એનાં હાથમાં છે આપણને તો માત્ર દોરીસંચાર થાય છે. ઘણી વખત એક જ સેકંડના ફરકે કોઈ એક્સીડન્ટ નો ભોગ બનતાં રહી ગયા હો એવું યાદ કરો અથવા રસ્તો બદલી બીજા રસ્તા પર ગયા હો અને અકસ્માત ના ભોગ બન્યા હો એવું યાદ આવે છે. ક્યારેક એમ થાય કે આમ જો ન કર્યું હોત તો આમ થાત પણ ક્યારેય એમ વિચાર્યું છે કે આમ ન કરવાની કોઈ વાત જ મગજમાં ન આવી એટલે જ તો આમ કર્યું અને આપણા મન અને મગજને રસ્તો દેખાડનાર પણ એ પરમતત્વ જ તો છે.

કોઈ ખાસ અનુભવ થાય ત્યારે જ તે પરમાત્મા જેને હિન્દુ ભગવાન, મુસલમાન ખુદા અને ખ્રિસ્તી ઈસુના નામે ઓળખે છે. તેના ઉપર વિશ્વાસ બેસે. "જૂજવે રૂપે અનંત ભાસે" જેવું જ તો છે. નામ અલગ "ઘાટ ઘડ્યા પછી નામ રૂપ જૂજવા" બાકી કુદરત કહો કે નસીબ બધું જ તો તે છે. તમે શું કરો છો તે તમારા હાથમાં છે જ નહી અને એ એટલી જ હકીકત છે.
જે કંઈ થાય છે એની પાછળ કોઈ ને કોઈ એ સર્વશક્તિમાન પરમતત્વ નો આશય હોય જ છે તે ભૂલવું જોઈએ નહીં. અંધારું કરે છે ત્યારે જ તો પ્રકાશ આપણને દશ્યમાન થાય છે.

ક્યારેક કોઈ તકલીફ આવી પડે છે ત્યારે પણ એ વિચારવું જોઈએ કે કદાચ એ તકલીફ પાછળ પણ કોઈ સારો આશય જ છુપાયો હશે. એક ઉદાહરણ સાથે કહું તો હમણાં "છપાક" પિકચર બહુ ચર્ચામાં છે તે જેના ઉપરથી બન્યું છે તે એસિડ એટેક વિકટમ લક્ષ્મી અગ્રવાલ પર જે થયું તે ખરેખર નિંદનીય છે પણ જો તે ન બન્યું હોત તો ખરેખર એ લક્ષ્મી અત્યારે એક સામાન્ય વ્યક્તિ તરીકે જીવન જીવતી હોત અને કોઈ એને ઓળખત પણ નહીં. આવું જ તમે દરેક બનતી ઘટના પર વિચારજો તમને ચોક્કસ એ પરમતત્વની હાજરી દેખાશે જ.. (#MMO )

બાકી કેટલીય વ્યક્તિઓ કે જેને કેટલીય તકલીફ થઈ હશે પણ પરમતત્વનો અનુભવ ઓળખવામાં કદાચ એ સક્ષમ નહીં થઈ શક્યા હોય. નરસિંહ મહેતાનું એક ભજન "જે ગમે જગત ગુરુ દેવ જગદીશને" જો સમજી લઈએ તો જીવનમાં જે તણાવ ઉભા થાય છે તે ન થાય અને દરેક તકલીફમાં પણ કંઇક સારું દેખાવા લાગે. "સમય થી પહેલાં અને ભાગ્ય થી વધુ" ક્યારેય કોઈને કંઈ મળ્યું જ નથી. નરસિંહ મેહતા ના આ પદ થી જ હું મારી આ વાત ને અહીં વિરામ આપીશ.

ઋતુલતા પત્ર ફળ ફૂલ આપે યથા,
માનવી મૂર્ખ મન વ્યર્થ શોચે;
જેહના ભાગ્યમાં જે સમે જે લખ્યું,
તેહને તે સમે તે જ પહોંચે,
જે ગમે જગત ગુરુ દેવ જગદીશને.

તમને એવો કોઈ અનુભવ થયો હોય તો અહીં શેર કરશો તો મને ગમશે...
{#માતંગી }

8 others like this post.

Quotes by Matangi Mankad Oza in Bitesapp read free

Matangi Mankad Oza

Matangi Mankad Oza posted an update Gujarati Blog

Matangi Mankad Oza posted an update Gujarati Thought

Matangi Mankad Oza posted an update Gujarati Microfiction

Matangi Mankad Oza posted an update Gujarati Blog

Matangi Mankad Oza posted an update Gujarati Blog

Matangi Mankad Oza posted an update Gujarati Blog

Matangi Mankad Oza posted an update Gujarati Blog

Matangi Mankad Oza posted an update Gujarati Microfiction

Matangi Mankad Oza posted an update Gujarati Blog

Matangi Mankad Oza posted an update Gujarati Blog

Follow Us On:

Download Our App :