" જીવતરની કહાની"
નાની-મોટી દરેકની અહીં કોઈ ને કોઈ કહાની હોય છે.
કોઈનું બાળપણ તો કોઈની લાજવાબ જવાની હોય છે.
બનીને મધુકર જે ભમતો રહે છે ઉપવનમાં દિવસ-રાત,
પરાગ પણ મધુકરના પ્રેમમાં ગળાડૂબ દિવાની હોય છે.
સમયના વહેણની સાથે બધું જ ભૂંસાતું જાય છે પણ,
દિલ જેમનું ઋણી રહે એ જ સાચી નિશાની હોય છે.
ચહેરો ભલે મલકાતો રાખતા લોકો આ દુનિયાની સામે,
ભીતર તપાસીએ તો ખબર પડે કે કેવી વિરાની હોય છે.
મળે નહીં જ્યારે લાખ શોધતા પણ જીવતરનો કિનારો,
હિંમત રાખો તો જીવનની હર પરેશાની નાની હોય છે.
નવા કોઈ વિચારો અપનાવતા પણ અચકાય છે દુનિયા,
રીત-રિવાજોની પરંપરા પણ કેટલી જુનવાણી હોય છે.
નજર ઉઠાવી જુઓ તો બધું જ સમજાઈ જશે 'વ્યોમ',
ઋણી છે આ સૃષ્ટિ જ્યાં ઈશ્વરની મહેરબાની હોય છે.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
