શણગાર સજીને બેઠી છું, આ અવસર છે મારા પિયુનો,
રંગે ચુંદડી ભીંજાઈ છે, આ અંબર છે મારા પિયુનો.
પ્રિતનું પાનેતર પહેરીને હું ઉંબરો ઓળંગું આજે,
હૈયામાં જે ધબકાર છે, એ આદર છે મારા પિયુનો.
મહેંદીના રાતા રંગમાં મેં નામ એમનું કોતરી દીધું,
હથેળીમાં જે મઘમઘે, એ અત્તર છે મારા પિયુનો.
કાચની બંગડી ખનકે ને મનમાં યાદોની લહેર ઉઠે,
આ સોળ શણગારની પાછળ, બસ ઉત્તર છે મારા પિયુનો.
દુનિયાની બધી ખુશીઓ હવે એક બાજુ લાગશે ફીકી,
મારી આંખોમાં જે છલકે, એ સાગર છે મારા પિયુનો.
