એવું તો કોણ માનશે?
હું માણસ મજાનો એવું તો કોણ માનશે?
શબ્દોનો છું ખજાનો એવું તો કોણ માનશે?
હાસ્ય હોય ચહેરે ને ભીતર ભર્યા છે દર્દ,
પીડાથી છું ભરપૂર એવું તો કોણ માનશે?
ઘણી યાદોના ઉજાગરા સપનાની રાહમાં,
આંસુ વહ્યાં ઘોડાપૂર એવું તો કોણ માનશે?
શાંત હૃદયે દોટ મૂકી શમણાંના શહેરમાં,
ખ્વાબો ચકનાચૂર, એવું તો કોણ માનશે?
એકલ રસ્તે ચાલતો નવી ના કોઈ મંજિલ,
છું અહીં હું મુસાફિર એવું તો કોણ માનશે?
નીત નવા ઉજવ્યા બધા અવસર હેતના,
પ્રસંગ મૌત છે કાફિર એવું તો કોણ માનશે?
- પ્રસંગ
પ્રણયરાજ રણવીર
