💢 " એક અધૂરી વફા "💢
હું સાદ દઉં અને તું આવે નહીં,
ચાહતમાં એ અધૂરપ ફાવે નહીં.
દિલ ન દીધું પણ લઈ તરત લીધું,
દાવ આ કેવો, તું સમજાવે નહીં.
યાદોમાં તારી જાગું આખી રાત,
સ્વપ્નમાં આવીને તું જગાવે નહીં.
રહેવું જ પડે જો મારે દૂર તારાથી,
એ સમય ક્યારે પણ આવે નહીં.
ધડકે છે દિલ લેતાં જ નામ તારું,
સ્મરણે આવીને તું સતાવે નહીં.
વાતો કરી તેં વફાની ઘણી પણ,
એક પણ વચન તું નિભાવે નહીં.
જન્મારો આખો ખોયો ઉદાસીમાં,
ને આવી "વ્યોમ" તું હસાવે નહીં.
✍...© વિનોદ. મો. સોલંકી "વ્યોમ"
જેટકો (જીઈબી) અંજાર. મુ. રાપર.
