ગઝલ: "દાતાર"
તેં વણમાગ્યો જીવનનો આભાસ આપ્યો,
બદલામાં મેં તુચ્છ અહંમનો વાસ આપ્યો.
તેં સાચી દ્રષ્ટિ દીધી સંસાર જોવા,
ને મેં સ્વાર્થભર્યો ખુદને જ ભાવ આપ્યો.
મેં ઝંખી'તી બસ અંજલિ ભરીને ખુશીઓ,
તેં મુજ ભાગ્યમાં સુખનો દરિયાવ આપ્યો.
સંકટ આવ્યું ત્યારે કરી બસ ફરિયાદો,
હર સુખમાં મેં ખુદને જ યશનો ભાવ આપ્યો.
તેં પ્રેમ વહેંચવા મુજને જગમાં મોકલ્યો,
ને મેં પાષાણ પૂજીને વૈરાગ્ય આપ્યો.
હવે આંસુ સિવાય મુજ કને કાંઈ નથી,
એ જ આંસુઓનો મેં તુજને અર્ઘ્ય આપ્યો.
તું દાતાર બનીને અનરાધાર વરસ્યો,
મેં 'સ્વયમ્'ભૂ' બનીને બસ એક સવાલ આપ્યો.
અશ્વિન રાઠોડ — "સ્વયમ્'ભૂ"
