નજર સામે જ હોય જવાબ, તો પણ સંતાવા લાગે છે,
જ્યારે સવાલો સામે પ્રશ્નો થવા લાગે છે.
એના એક જ જવાબ માં મન હળવું થઈ જાત
પણ એના અહમ ની પાછળ જવાબ છુપાવા લાગે છે .
વાત સીધી હતી કે માત્ર હૃદય ખોલીને કહેવું હતું,
પણ સંબંધ અહીં દલીલોના ત્રાજવે તોલાવા લાગે છે.
આંખોમાં તરતી હોય સ્પષ્ટતા, છતાં હોઠ કેમ મૌન થાય છે .
એક અસમંજસ માં જવાબ રોકાવા લાગે છે;
જ્યાં જરાક સ્વીકારથી ઉકેલાઈ શકતી હતી આખી વાત,
ત્યાં સામા સવાલોની દીવાલો ચણાવા લાગે છે.
ને આમ જ, જવાબ નજર સામે હોવા છતાંય,
સંબંધોની એ સુંદર સાંજ અજાણ્યા અંધારે ખોવાવા લાગે છે.
- સ્નેહ ના સબંધો
