કેટલીય અકળામણ, કેટલીય અથડામણ, કેટલાય વિચારો મનમાં ચાલે
આ વહુ અને દીકરી બેઉ એક જ પગે કેવી રીતના ચાલે ?
માબાપની ઈચ્છાઓ અરમાનો છોડી જે'દી થી દીકરી ગૃહસ્થી માંડે
તે'દી થી દીકરી બે ઘરમાં કોને ક્યારે અને કેટલી પ્રાયોરીટી આપવી તેમાં વારે વારે અટવાયે
પૂરો પ્રયત્ન કરવા છતાંય બેઉને સાચવવામાં હંમેશાં કોઈ એકને તો ઓછું આવે આવે ને આવે
પોતાની ઈચ્છા ને નેવે મુકતાં પણ કોઈને સંતોષ ના આવે
આ વહુ અને દીકરી બેઉ એક જ પગે કેવી રીતના ચાલે ?
પિયરે કહે આ ઘર નથી તારું સાસરે નથી લાગતું હજુય પોતાનું
બધાનું ગમતું થવામાં કશું જ નથી રહેતું જેને એ કહે મારું
પહેલા માબાપનું ગમતું કર્યું, હવે પતિને ગમતું કરે પણ તેનું ગમતું તે ક્યારે કરે?
સંબંધોની જવાબદારી સતત તેને ઘેરે ચારે બાજુએ તોય લડે એ બધા મોરચે એકલે હાથે
આ વહુ અને દીકરી બેઉ એક જ પગે કેવી રીતના ચાલે ?
માબાપની ચિંતા, ઘરની ચિંતા, પતિની ચિંતા, બધાની ચિંતા કેટકેટલું એ સંભાળે
તોય અંતે તું આખો દિવસ ઘરમાં કરે છે શું તેવું અમસ્તું પણ કેટલીવાર સાંભળે
તું બારે કામ કરવા જાય છે તો તને ખબર પડે - આવું કહેનારા ક્યારેક તો એના કામ કરે
તો એક સ્ત્રી કેમના દરેક પાત્રો નિભાવે છે તેનો જરીક ખ્યાલ તેમને આવે
આ વહુ અને દીકરી બેઉ એક જ પગે કેવી રીતના ચાલે ?
એને દરેક પ્રસંગોમાં પતિ સાથે બધું સેટ કરીને જવાનું છતાંય બીજીબાજુ, હું છું ને એમને સેટ નઈ થાય તેવું સહેજે બધાને બહાનું બનાવવાનું
આવું કમને પણ કેટ-કેટલીવાર સૌને હસતાં મોંએ કહેવાનું
પછી ભલે એકલા રડવાનું પણ શક્તિ થઈને કેવી રીતે પીછેહઠ કરવાનું
દરેક પરિસ્થિતિમાં હસતાં મોઢે લડવાનું કાયર થઇને થોડી જીવનનૌકા ચાલે
સાલું આ વહુ અને દીકરી બેઉ એક જ પગે કેવી રીતના ચાલે ?
-'વિચારોને વાચા'
